倒不能說是老壽星找砒霜吃，答應代課之前心中有數。近來放假，等待新工作期間，繼續跳舞、健身、學習法語、看堆積如山的書和電影兼寫東西。時間不是花錢就是賺錢，雖則錢不多，但內容易教，OK啦，教啦，英文拼音而已，地點偏遠了些。
第一課。Merde!該死的巴士與火車。老早說考車牌只聞樓梯響。是的我沒有信心，又不敢找私家師傅，怕肥。再說代幾堂課要我駕車入大西北？待我做了大學講師才做吧！
校務處登記了代課老師的名字，我的洋名。（當然不知道中文名，其實咪又一樣，無乜新意。可以的話我都想叫Genevieve呀，Marion呀，Gwendoline呀，懶捲晒脷咁，blue blood尐吖嘛），然而無人知我該去那個課室，溝通了一大輪，明明早到變遲到，最後校工冒雨帶我上課室——我捧著會得砸死人的碌士囉。明知有新booklet可以一早搬上去，我捧也沒所謂，但事先可否溝通一下？
（幾百蚊啫，幾百蚊。唔可以要求咁多。）
一小時的課，猶如摻了許多水的劣酒，花十分鐘讓大家坐下；再喝叱大家不要以椅子磨擦地板，我會得聾掉；關掉那些laptops(部部都係Thinkpad，係咪有贊助咖？）；拿走其他科目的功課。哈，平時又唔見你咁勤力？點名、派booklet。好容易才開始上課。
45分鐘，要大家記住兩個拼音的寫法、讀法、串法，朗讀文章，填充生字。聽上去十分益智，不知情的家長會覺得值回票價，我猜他們每人付幾十元便可參加。不過，cheap 嘢大家自然不太珍惜。我只顧自說著填著黑板，為的，只是那大約3/20在聽的人。沒錯，是三個人。懶理他們聽不聽得懂這連珠砲發的英語，這是職責。
第二課，情況持續。（幾百蚊啫，幾百蚊。）
喂，幾百蚊啫，但我聲都沙埋又聾咗，夠唔夠睇醫生？
「同學，請問呢間係咪特殊學校？」傳來一陣爆笑。「我相信你地有正常智商。叫咗幾多次，叫你地唔好捽櫈，唔好搶人地尐文具，坐番好，點解你地仲係咁小學雞？」
同學繼續笑，但吵鬧聲稍稍收歛。「你地唔係弱智咖嘛？」
「唔係！唔stupid~」
WTH？！Stupid=弱智？究竟係英文差定係無做過義工？（No Offence，我做過弱智人士活動義工，無歧視之意，因為了解所以原宥。但我的同情心不夠分給他們。）
「我教大家幾個生字。」在黑板上寫下
1.retarded
(adj.)弱智
2.handicapped
(adj.)殘障
3.silly/foolish/stupid
(adj.)愚蠢的，傻的，笨的
「現在大家明白了沒有？」（明白了我在串你們沒有？）
「嘩，我想學呢尐，不如唔好教拼音啦！」學生紛紛起哄。（Oh great. They really don't get me. Good God.)
教咗又點？唔識拼即係唔識讀，咁你點識講去鬧人呀？一味Shit或者用F word?
最成功的鬧人方法是不帶髒字暗串，蠢尐都get唔到，回敬一副傻憨憨的樣子，令所有知情者為之發噱才算高招。只識用粗口，只代表詞彙貧乏，低了幾班。
Nevertheless，我教咩佢地最多袋到兩成。半杯水，半滿還是半空？起碼有兩啖水吖。
頂硬上也。下次一於講一大堆水蛇春咁長的英文，狠狠教訓，見著他們摸不著頭腦的樣子，Bof！都幾過癮。送多幾句法文畀你，mercibeaucoup~~
第一課。Merde!該死的巴士與火車。老早說考車牌只聞樓梯響。是的我沒有信心，又不敢找私家師傅，怕肥。再說代幾堂課要我駕車入大西北？待我做了大學講師才做吧！
校務處登記了代課老師的名字，我的洋名。（當然不知道中文名，其實咪又一樣，無乜新意。可以的話我都想叫Genevieve呀，Marion呀，Gwendoline呀，懶捲晒脷咁，blue blood尐吖嘛），然而無人知我該去那個課室，溝通了一大輪，明明早到變遲到，最後校工冒雨帶我上課室——我捧著會得砸死人的碌士囉。明知有新booklet可以一早搬上去，我捧也沒所謂，但事先可否溝通一下？
（幾百蚊啫，幾百蚊。唔可以要求咁多。）
一小時的課，猶如摻了許多水的劣酒，花十分鐘讓大家坐下；再喝叱大家不要以椅子磨擦地板，我會得聾掉；關掉那些laptops(部部都係Thinkpad，係咪有贊助咖？）；拿走其他科目的功課。哈，平時又唔見你咁勤力？點名、派booklet。好容易才開始上課。
45分鐘，要大家記住兩個拼音的寫法、讀法、串法，朗讀文章，填充生字。聽上去十分益智，不知情的家長會覺得值回票價，我猜他們每人付幾十元便可參加。不過，cheap 嘢大家自然不太珍惜。我只顧自說著填著黑板，為的，只是那大約3/20在聽的人。沒錯，是三個人。懶理他們聽不聽得懂這連珠砲發的英語，這是職責。
第二課，情況持續。（幾百蚊啫，幾百蚊。）
喂，幾百蚊啫，但我聲都沙埋又聾咗，夠唔夠睇醫生？
「同學，請問呢間係咪特殊學校？」傳來一陣爆笑。「我相信你地有正常智商。叫咗幾多次，叫你地唔好捽櫈，唔好搶人地尐文具，坐番好，點解你地仲係咁小學雞？」
同學繼續笑，但吵鬧聲稍稍收歛。「你地唔係弱智咖嘛？」「唔係！唔stupid~」
WTH？！Stupid=弱智？究竟係英文差定係無做過義工？（No Offence，我做過弱智人士活動義工，無歧視之意，因為了解所以原宥。但我的同情心不夠分給他們。）
「我教大家幾個生字。」在黑板上寫下
1.retarded
(adj.)弱智
2.handicapped
(adj.)殘障
3.silly/foolish/stupid
(adj.)愚蠢的，傻的，笨的
「現在大家明白了沒有？」（明白了我在串你們沒有？）
「嘩，我想學呢尐，不如唔好教拼音啦！」學生紛紛起哄。（Oh great. They really don't get me. Good God.)
教咗又點？唔識拼即係唔識讀，咁你點識講去鬧人呀？一味Shit或者用F word?
最成功的鬧人方法是不帶髒字暗串，蠢尐都get唔到，回敬一副傻憨憨的樣子，令所有知情者為之發噱才算高招。只識用粗口，只代表詞彙貧乏，低了幾班。
Nevertheless，我教咩佢地最多袋到兩成。半杯水，半滿還是半空？起碼有兩啖水吖。
頂硬上也。下次一於講一大堆水蛇春咁長的英文，狠狠教訓，見著他們摸不著頭腦的樣子，Bof！都幾過癮。送多幾句法文畀你，mercibeaucoup~~
